အရောင်မပါတဲ့ ..အချစ်..။
အချစ်ဆိုတဲ့အရာနဲ့  ကိုယ်နေထိုင်ရာပတ်ဝန်းကျင်လောကကို
အလှဆင်နိုင်ပါတယ်..။အချစ်မှာ..အရောင်မပါရင်ပိုပြီး..အလှဆင်လို့ ကောင်းပါတယ်..။
ဘာအရောင်တွေလဲလို့ မေးချင်ကြမယ်..။
လောဘဆိုတဲ့ အရောင်..၊ဒေါသ..ဆိုတဲ့အရောင်..၊မောဟ…ဆိုတဲ့အရောင်..။
အဲဒီ ၃-မျိုးလုံးကနေ..အချစ်ဆိုတဲ့…ပင်ကိုယ်ဘာအရောင်မှမရှိတဲ့ စိတ်ခံစားချက်ကို..အရောင်တမျိုးထဲပြောင်းလိုက်နိုင်တယ်..။
အဲဒီအရောင်ကတော့..ပူလောင်မှုတွေပါနေတဲ့ ..သောကဗျာပါဒ..ဆိုတဲ့ ဝေဒနာအရောင်လေ..။
ဒီသောက ဗျာပါဒ..ဆိုတဲ့ အပူရောင်ဟာ.လက်နဲ့  အသွေးအသားနဲ့ ..ထိတွေ့ လို့ မရတဲ့ အပူလေ..။
သူက ..နေမင်းရဲ့ အပူထက်လဲပြင်းတယ်..။
တငြီးငြီးနဲ့ အရှိန်အဟုန်ပြင်းပြင်းတောက်လောင်နေတဲ့ မီးထက်လဲပြင်းတယ်..။ဘယ်လောက်အင်အားကြီးကြီး၊ဘယ်လောက်အသိပညာတွေကြွယ်ဝ၊ကြွယ်ဝ၊
ဒီအပူရောင်ပြောင်းသွားတဲ့ ..အချစ်ဟာ..အားလုံးကိုဘုံးဘုံးလဲစေနိုင်တယ်..။ပြာဖြစ်သွားစေနိုင်တယ်..။
လူတော်တယောက်ကလူညံ့တယောက်ဖြစ်သွားနိုင်သလို..။လူကောင်းတယောက်ကလဲ..
လူဆိုးဖြစ်သွားနိုင်တယ်..။တော်ရုံတန်ရုံလူကတော့..တွေးကြည့်စရာမလိုအောင်..ဘာမဆိုဖြစ်သွားနိုင်တယ်။
ဒါဆိုရင်..အဲဒီ..အချစ်..ကို အရောင်မပြောင်းအောင်ဘာနဲ့ တားနိုင်မလဲ..?
အဖြေရှိပါတယ်..။သတိ..နဲ့ အသိတရားက..တားနိုင်ပါတယ်..။
သတိဆိုတာ..ဒါမှားတတ်တယ်..၊ဒါမကောင်းဘူး..ဆိုတာကိုကြိုသိနေရမယ့်ဥာဏ်..။
အသိ..ဆိုတာကတော့..ဒါဟာ မကောင်းဘူး..ဒါဟာ..ဆိုးတယ်လို့ ..ခွဲခြားသိမြင်တဲ့ ဥာဏ်.။
တချို့ ကပြောကြတယ်..နှလုံးသားရဲ့အလိုအရ..လုပ်ရဖြစ်ရတာပါ..တဲ့။
နှလုံးသားဆိုတာ..ဘာကိုဆိုလိုတာလဲ..?
ခန္ဓာကိုယ်ထဲမှာရှိတဲ့နှလုံးသားကို..ပြောချင်တာဆိုရင်တော့..မှားမယ်..။
မွေးရာပါ..နှလုံးသားဆိုတာက..ဒီခန္ဓာကိုယ်ရှင်သန်ဘို့ အသက်ရှူနိုင်ဘို့  အထောက်အကူပြုတဲ့ အင်္ဂါအစိတ်အပိုင်းတခု။
ဒါကိုလူတွေကတင်စားပြီးပြောနေကြတာတွေပါ..။
အသဲနှလုံးထဲက တစိမ့်စိမ့်ချစ်တယ်တို့ ..
ဘာတို့့ဆိုတာ..တကယ်တော့စိတ်ထဲကခံစားတာကို..နားထောင်ကောင်းအောင်ပြောကြတာပါ..။
တယောက်နဲ့ တယောက် မချစ်ရဘူးလားမဟုတ်ဘူးချစ်လို့ ရပါတယ်..။
အချစ်မှာအရောင်တခုဘဲ ဆိုးဘို့ လိုတယ်..။စေတနာ..ဆိုတဲ့ ..အရောင်လေ..။
စေတနာ..ဆိုတာ..ခေါ်လို့ လဲကောင်းတယ်..။လုပ်ဆောင်လို့ လဲကောင်းတဲ့ အေ၇ာင်ဘဲ..။
ချစ်ရတဲ့ သူကို..ကောင်းတာကျွေး..ကောင်းတာဆင်..အကောင်းတကာ့အကောင်းဆုံး..
(ကိုယ်တတ်နိုင်တဲ့ အတိုင်းအတာတခုအထိ)လုပ်ပေးချင်တာ စေတနာဘဲပေါ့..။
သွေးမတော်သားမစပ်..တမိသားနဲ့တမိသားချစ်ကြတာကိုမှ ချစ်သူလို့ ခေါ် နိုင်ကြသလို သွေးရင်းသားရင်းမောင်နှမတွေ ..သားအမိတွေ..သားအဖေတွေချစ်ကြတာကိုလဲ
အချစ်လို့ မေ ပြောချင်ပါတယ်..။
ဒီအခါမှာ…မိဘကသားသမီးကိုချစ်တဲ့ အချစ်အတွက်..သားသမီးကောင်းစားစေချင်တဲ့ ..
စေတနာပါတဲ့ လုပ်ရပ်တိုင်းဟာ..တခါတလေ..အမြင်မတူတာတွေကြောင့်
(စေတနာလွန်ကဲသွားလွန်းလို့ )ဝေဒနာဖြစ်သွားတတ်ပြီး..
ကိုယ့်သားသမီးမှကိုယ့်သားသမီး.ဆိုတဲ့ လောဘ၊မောဟ၊
ပြီးတော့၊ဖြစ်စေချင်သလို မဖြစ်လို့ ..
ပြောစကားကိုမလိုက်နာလို့ ..ဖြစ်၇တဲ့ ဒေါသတွေကနေ...ခုနက ပြောခဲ့ တဲ့..
သောက ဗျာပါဒဆိုတဲ့ အရောင်ကိုပြောင်းသွားလိုက်တာ..၊
ကာယကံရှင်..သားသမီးတွေလဲ ပူလောင်ရ..ကိုယ်တိုင်လဲအလောင်ကျွမ်းခံရ..ပတ်ဝန်းကျင်လဲ အပူကူးစက်နဲ့ ..
စိတ်လက်မချမ်းသာဖြစ်ရတတ်ပါတယ်..။
တကယ်တော့လဲ…လူတိုင်းလူတိုင်းမှာ ဘယ်သူမှမွေးရာပါညံ့ဖျင်းတဲ့ သူဆိုတာမရှိပါဘူး..။
လူတိုင်းမှာသူ့ အရည်အချင်းနဲ့ သူရှိကြတာပါဘဲ..။
ဥပမာ..ဓါးအသစ်တလက်ဝယ်တယ်ဆိုပါတော့..။
အဲဒီဓါးအသစ်ကို .. သုံးဘို့ အတွက်
အသွားထက်ဘို့ သွေးပေး၇မှာဘဲလေ..။ပိုထက်စေချင်ရင်..ပိုသွေးပေးရမယ်..။
ဓါးသွေးကျောက်ကောင်းဘို့ လိုတာလဲမှန်သလို..
ဓါးသွေးပုံကျနဘို့ လဲလိုတာအမှန်..။
ပြီးတော့ ..သုံးမယ့်ဓါးက ဘာအတွက်လဲ..အသားလှီးဘို့ လား..ဟင်းရွက်လှီးဘို့ လား..။သူ့နေရာနဲ့ သူ..ပေါ့..။
အသားလှီးရင်သိတ်ထက်ဘို့ လိုသလို..ဟင်းရွက်လှီးဘို့ ကတော့သိတ်ထက်ဘို့ မလိုဘူးလေ..။
အဓိက ကတော့ ကိုင်တွယ်တဲ့သူပေါ်မှာဘဲလိုတာပါ..။
ဒါကြောင့်မို့ ..ကိုယ်ချစ်ရတဲ့ သူတွေမှာပါလာတဲ့ မွေးရာပါ အရည်အချင်းတွေကို မြင်တတ်အောင်ကြည့်ပြီး၊အဲဒီအရည်အချင်းတွေကိုပိုပြီးအရည်အသွေးတောက်လာအောင်..
ဘယ်လိုလုပ်ပေးရမလဲဆိုတဲ့ စိတ်စေတနာနဲ့ ပြုပြင်လုပ်ဆောင်ပေးနိုင်ကြရပါမယ်။
အဲဒီိလိုဘဲပင်ကိုယ်အရောင်မရှိတဲ့ အချစ်ကိုအရောင်ဆိုးစေတတ်တဲ့ …
လောဘ၊ဒေါသ၊မောဟ..ဆိုတာတွေကို
တွေ့ တတ်၊မြင်တတ်၊သိရှိတတ်ပြီး သတိရှိရှိနဲ့ ပယ်ရှားနိုင်ကြမယ်ဆိုရင်ဖြင့်
မေ တို့ ရဲ့..နေထိုင်ရာပတ်ဝန်းကျင်ဟာ..အရောင်မပါတဲ့ 
အချစ်တွေနဲ့ အင်မတန်မှကိုကြည်လင်သာယာလှပနေမယ်ဆိုတာလက်ခတ်မလွဲပြောရဲနိုင်ပါတယ်ရှင်..။ ။
မေတ္တာဖြင့်..
မေမြန်မာ။။။။။။။
၂၃ဧပြီ၂၀၀၉
No comments:
Post a Comment